Një autobus me udhëtarë serbë që ishte duke udhëtuar nga Serbia është aksidentuar në autostradën e Trakës në Bullgari.
Sipas medias serbe “N1”, nga aksidenti kanë mbetur të lënduar tetë fëmijë dhe katër persona të rritur.
Në vendin e ngjarjes kanë mbërritur autoambulanca, zjarrfikësit dhe policia.
Sipas raportimeve, të gjithë pasagjerët që ishin në autobus janë shtetas të Serbisë, ndërsa në total kanë qenë 48 pasagjerë. Ata ishin duke u kthyer nga “Sunny Beach”, pasi që morën pjesë në një festival në “Nessebar”.
RTS raporton se të lënduarit po transportohen në spitalin e Stara Zagorës dhe se dy persona kanë marrë lëndime të rënda, njëri prej të cilëve është fëmijë.
Gjithashtu televizioni publik bullgar ka bërë të ditur se ende nuk dihet shkaku i aksidentit, por edhe se në autostradën për në Sofje është krijuar një bllokadë dhe kolona të gjata, si dhe është krijuar një korridor për mjetet e emergjencës.
Tre të vrarë, 14 të plagosur në një sulm në kompaninë turke ...
Nesër seanca e jashtëzakonshme për skandalet dhe keq menaxhi...
Rezi: Të premten del Gresa
Austin: Ekzistojnë prova për dërgimin e trupave koreano-veri...
“Në BE, në 2030”, Rama: Shqipëria zgjohet dorë për dore me B...
Hovenier bën thirrje për proces të hapur e gjithëpërfshirës ...